好吃到中毒的河豚料理

第一次喺日本食河豚,睇到呢間嘢道頓堀都有(就係吊咗一大條河豚喺度嗰間),心諗都係遊客嘢,本來都冇咩期望⋯⋯點知,原來真係好好食架!

去到新世界本店,叫咗個中價位套餐,成個餐份量一啲都唔少。前菜之後就係刺身,白身魚一般比較爽甜,佢都唔例外。同碟仲有稍微燙過的河豚條同魚皮,都好彈牙。


跟住嘅酥炸河豚,部位大約係刺嘅地方,炸得極為酥脆,真係骨都食埋。最神奇係,似炸排骨,可能因為咁,叫佢做河「豚」。

同時開始煮湯。撈起昆布後先放需要煮耐啲嘅骨腩位,同埋蘿蔔等菜。骨腩位簡直是整條魚嘅精華所在,肉彈味甜,記得要啜汁!

河豚片、河豚皮都是輕烚一下就可以吃。河豚片灼後爽身、河豚皮就會軟軟的溶在口裡。


肉彈皮軟骨濃厚,口感味道更為豐富。乜汁都出哂,臨尾加個冷飯、蛋、蔥、紫菜,約2分鐘收水煮成名符其實「魚湯粥」,暖暖胃口,真心超滿足。


#豪遊大阪 #豪遊關西 #HOTravel #づぼらや新世界本店

15 views0 comments

Recent Posts

See All