初嚐神戸牛鐵板燒

喺香港食嘅和牛,一嚟貴,二嚟好多唔係喺日本嚟。神戸食神戸牛,一世人一次,梗係要試!


唔知頭唔知路嚟到神戸,喺 #三宮駅 出嚟,過條馬路就係遊客街。抬頭一睇,幾乎全部都係食神戸牛嘅舖頭,喺冇research嘅情況下,絕對無從入手。呢個時候,街上出現咗拉客嘅人,一身整齊潔白制服,本來都猶豫咗一下,但最後抱著對日本人嘅信心,都係跟住佢走入橫街內嘅 #神戸牛天望


入面只有14個座位,圍著由兩位師傅主理嘅鐵板檯,後面仲有幾個小師傅喺度準備食材,一貫遊客舖格局,好彩,坐喺度食嘅都係日本人,應該唔伏!(後來還有兩個韓國女生,都係畀個靚仔拉咗嚟嘅。)


呢度有套餐,但係難得一食梗係食好啲!其中,高檔神戸牛就分咗特級稀有部位、沙朗Sirloin、菲力Tenderloin同夏多布里昂Chateaubriand(最貴的牛腰肉,一塊120克就要¥23,500!)。經驗係,試唔同肉,每件只要120克,因為每啖都係咁,寧可試多款!

師傅會拎塊肉俾你過目,仲有迫你同佢個獎影相,之後就開始煎。嗰種香係一世人都未聞過!稍稍調味,每小口都係外熟內軟。塊「沙朗」的確好肥美,雪花均勻,油香滿口,不過我反而鐘意平一級嘅「稀有部位」,肉味更香。兩個人兩件已經十分夠,再貴嘅今次就唔捨得食,下次再試!


配上燒茄子、蕃薯、菇、最後用和牛油炒芽菜,都好美味!

#豪遊關西 #HOTravel #談著戀愛去旅行

🐃 神戸牛天望 Kobebeef Amami
🔗 http://bit.ly/2yOfnW9
🗾 兵庫県神戸市中央区北長狭通1丁目5

3 views0 comments

Recent Posts

See All