豪遊HOTravel

豪生活HOlife

hongkonger's life with art and food

打邊爐最重要係湯底

記/20/10/2017

酒不醉人鍋自醉,第一次打邊爐係會連湯底料都清哂~

上星期五同幾個朋友去試天文臺道酒鍋。老北京嘅木飾、浮世繪cross over塗鴉嘅牆身,完美演繹咗外國人眼中嘅東方。餐區寬敞,仲有幾間大小廂房,朋友聚餐一流。

五合一湯底叫「酒火入鍋」,真係會食到人走火入魔!食完之後總結同行友人意見,食邊款湯係有次序!

 

可以先食「潮洲沙嗲鍋」,又香又滑,甜帶微辣嘅湯底,同肥瘦均勻嘅本地手切牛係絕配!

「蕃茄波士頓龍蝦鍋」浸住足足半隻龍蝦(記得早啲起肉食膏~),蜂巢豆腐索埋又鮮又濃嘅湯,OMG!

「四川麻辣鍋」好刺激,又麻又辣(啲豆卜同豬皮!!!!!),加埋日本黑毛豬腩肉嘅油香⋯⋯oishii!

酒火係時候入鍋!中間「木瓜鮮蝦鍋」,燒熱注入清酒再點火揮發酒精,就係清酒煮蜆嘅清甜,先煮海鮮,再煮菇菌,夾到一個點!

最後真係會走火入魔嘅,係「清湯蘿蔔牛腩鍋」,原本覺得佢平平無奇⋯⋯但一小時後,發現啲蘿蔔牛腩又軟又甜,超好食!

生料好新鮮,尤其是海鮮拼盤有大虎蝦、花甲、帶子、蟶子同海魚,全部都好靚。

本地手切牛日本黑豚,肥瘦均稱,手打丸紫菜嚮鈴卷都係心水。

人均食$600左右,1鍋5款湯、10碟料同拼盤超過20款食材,食得飽飽,性價比不錯!聽住音樂,用蒲酒吧嘅感覺打邊爐,爽!

湯頭夠味,混醬也是多餘的,但如果喜歡,仍有提供。

 

多謝酒鍋邀請~

The Drunken Pot 酒鍋

尖沙咀天文台道8號

http://www.thedrunkenpot.com/