鰻魚飯點為之好食呢？又肥又大塊囉！呢個係我以前嘅定義。但係人大咗，同一碗飯同一個口感食20啖已經滿足唔到我。喺大阪大商場Grand Front Osaka南館就有一間發源自名古屋嘅鰻魚飯店ひつまぶし備長，可以品嚐到炭烤鰻魚飯三食！

唔駛去名古屋。前菜先食醬燒鰻魚肝同鰻魚玉子燒！鰻魚飯可以就咁食丼或者試3食，每款仲可以揀鰻魚量，我呢個1.5倍鰻魚一打開已經金光閃閃，聞到好香木炭烤嘅味呀。

鰻魚係切好咗一條條手指咁粗，成set野ready你將個飯分4份食。第一份就咁食，雖然件鰻魚睇落唔係好厚，但係食落絕對又肥又香，薄薄地反而焦脆好食！第二份就加蔥花同wasabi食，少少辣令件事冇咁肥膩，等你可以預備第三食：加高湯！嘩，啲鰻魚汁同油溶哂入個飯，好正呀！

（咁第四份呢）可以俾我食。

（🙄）或者你鐘意邊種就encore囉～