Starbucks日本共有14家特別概念店，分別同當地嘅環境有連繫，之前去過京都河岸嘅三条大橋店，今次就嚟咗神戸嘅北野異人館店。

而呢間初建於1907年(明治40年)，係一座木造嘅2層建築，由美國人擁有。可惜原建築喺1995年阪神・淡路大地震災後被破壞拆咗，神戸市6年後用接收返嘅建材覓址重建，今日就有呢座風格古老但新簇簇嘅北野物語館。

建築被塗上品牌的綠白色，某程度上減低咗佢嘅歷史感，不過入到去，還是很有歐美建築的感覺。尤其是起居室和陽台的窗、吊燈、木樓梯等等，都係打卡位。不過，店怕出名豬怕肥，人多到不得之了，想輕鬆寫意一點，還是坐到外面比較好。